Mata fór í læknisskoðun í Manchester í dag og stóðst skoðunina. Félagið birti myndir og myndbönd af því þegar leikmaðurinn kom með þyrlu á æfingasvæði liðsins og hitti þar meðal annars landa sinn David de Gea.

Hinn 25 ára miðjumaður kom til Chelsea árið 2011 frá Valencia.

Mata verður kynntur sem nýjasti leikmaður liðsins á mánudag og kemur þá í ljós hvaða númer hann mun bera. Fastlega er búist við að hann muni hafa hina frægu sjöu á bakinu líkt og Cristiano Ronaldo, David Beckham, Eric Cantona og George Best gerðu á liðnum árum.