ÍA á leik á morgun.
Rosenörn ekki á leið til ÍA.
Það er enn ekki orðið ljóst hvort ÍA fái undanþágu frá KSÍ til að fá inn markvörð til félagsins á undanþágu vegna meiðsla Árna Marinós Einarssonar.
Árni meiddist á sunnudag og verður frá næstu 6-8 vikurnar vegna ristarbrots. Varamarkvörður ÍA, Isak Theodor Eidem, er fæddur 2009 og félagaskiptaglugginn er lokaður. Því hefur ÍA óskað eftir því frá KSÍ að fá inn markvörð utan glugga í neyðarskiptum.
Árni meiddist á sunnudag og verður frá næstu 6-8 vikurnar vegna ristarbrots. Varamarkvörður ÍA, Isak Theodor Eidem, er fæddur 2009 og félagaskiptaglugginn er lokaður. Því hefur ÍA óskað eftir því frá KSÍ að fá inn markvörð utan glugga í neyðarskiptum.
Í skriflegu svari við fyrirspurn Fótbolta.net segir Eysteinn Pétur Lárusson, framkvæmdastjóri KSÍ, að málið sé í vinnslu og skýrist vonandi fljótlega.
Fótbolti.net sagði frá því fyrr í dag að ÍA hefði sett sig í samband við markvörðurinn Mathias Rosenörn sem er án félags eftir að hafa yfirgefið FH síðasta haust.
Rosenörn segir í svari við fyrirspurn Fótbolta.net að ÍA hafi sett sig í samband við sig en hann sé ekki á leið til félagsins. Hann og fjölskyldan búa í Danmörku, fjölskyldan sé í fyrsta sæti eftir fimm ár í Færeyjum og á Íslandi og hann sé ekki á faraldsfæti.
Samkvæmt heimildum Fótbolta.net kannaði ÍA einnig möguleikann á því að fá Sindra Kristin Ólafsson í sínar raðir.
ÍA á leik í Bestu deildinni á morgun gegn ÍBV. Sá leikur hefst klukkan 18:00 og fer fram á ELKEM-vellinum.
