Alexis Mac Allister
Alexis Mac Allister skoraði sitt fyrsta mark fyrir Liverpool í 4-3 sigri liðsins á Fulham á Anfield í dag og er hann búinn að setja nafn sitt í hattinn um flottasta mark tímabilsins.
Mac Allister fékk boltann um það bil 30 metrum frá marki, setti á hann frímerki og sendi hann síðan rakleiðis upp í samskeytin hægra megin.
Fyrsta mark hans fyrir félagið og ógleymanlegt í raun. Liverpool skoraði fjögur falleg mörk í leiknum. Trent Alexander-Arnold átti frábæra aukaspyrnu í slá og inn, auk þess sem Wataru Endo gerði eitt rétt fyrir utan teig. Alexander-Arnold gerði síðan sigurmarkið með flottu skoti úr teignum undir lok leiks.
Hægt er að sjá aukaspyrnuna og glæsilegt mark Mac Allister í spilaranum hér fyrir neðan.
Athugasemdir
