Anton hefur byrjað 15 leiki fyrir Breiðablik í sumar þar sem hefur verið að leysa hinar ýmsu stöður en Anton sem er upprunarlega miðjumaður hefur verið að spila stöðu hægri bakvarðar upp á síðkastið og hefur einnig leyst stöðu miðvarðar í nokkrum leikjum.

X síðan (Twitter) Football Talent Scout gerir á hverjum degi ´Talent of the day´ og var fjallað um Anton í dag þar sem farið yfir eiginleika Antons inn á fótboltavellinum. Þess má geta að þessi X reikningur er með rétt yfir 270.000 fylgjendur.

Eiginleikar Antons að mati Football Talent Scout eru sendingar, gott auga fyrir spili, tækni, tæklingar og yfirvegun. Þeir sem hafa séð Anton spila í sumar geta líklega tekið undir þetta.

Einkunn er gefin fyrir hvern leikmann yfir hversu efnilegur hann er frá 1-10 og fékk Anton einkuninna 7/10 og var honum líkt við hollenska landsliðsmanninn Teun Koopmeiners en hann er alinn upp í AZ Alkmaar og leikur í dag fyrir Atalanta á Ítalíu í dag.