Isco, sem er fæddur árið 1991, hefur spilað 20 leiki á leiktíðinni og skorað 2 mörk en hann er ekki fastamaður í liðinu og þarf oft að sætta sig við bekkjarsetu.

Hann hefur verið orðaður við félög á borð við Liverpool, Manchester United og Manchester City en Zidane segir hann mikilvægan part af hópnum.

„Það hefur ekkert breyst með stöðu hans. Isco er mikilvægur leikmaður í hópnum og gefur allt þegar hann spilar. Hann er góður leikmaður og ég er hrifinn af leikstílnum hans," sagði Zidane.

„Hann átti frábæran leik eins og allir í liðinu en ég er ánægður með markið hans því hann þarf að skora fleiri mörk," sagði hann í lokin.