Rodrygo orðaður við Liverpool - Mörg félög í Sádi-Arabíu vilja Casemiro - Dortmund hefur áhuga á Greenwood
   mið 24. apríl 2024 18:39
Jóhann Þór Hólmgrímsson
Lennon og Atli Guðna með ÍH í Mjólkurbikarnum á morgun
Mynd: Fótbolti.net - J.L.

FH goðsagnirnar Steven Lennon og Atli Guðnason spila með ÍH í Mjólkurbikarnum á morgun þegar liðið fær Hafnir í heimsókn í Skessuna.


Steven Lennon er 36 ára gamall Skoti kom fyrst hingað til lands árið 2011 og spilaði með Fram til ársins 2014 þegar hann gekk til liðs við FH. Hann var í herbúðum félagsins þangað til hann lagði skóna á hilluna eftir síðasta sumar á láni hjá Þrótturum.

Atli er 39 ára, uppalinn FHingur en lék einnig með HK og Fjölni á sínum tíma. Hann lagði skóna á hilluna eftir tímabilið 2020.

Þeir hafa ákveðið að taka skóna af hillunni og spila með ÍH á morgun en þetta staðfesti Jón Páll Pálmason þjálfari liðsins á X í dag. Til þetta geti orðið að veruleika þurfa þeir að fá félagaskipti til félagsins en glugginn lokar í kvöld.

16:30 ÍH-Hafnir (Skessan)


Athugasemdir
banner
banner