En Barcelona er í vandræðum þar sem félagið getur ekki skráð hann í hópinn eins og er. Spænska úrvalsdeildin er með ákveðnar fjárhagsreglur og Barcelona, sem hefur glímt við mikil fjáhagsvandræði, þarf líklega að selja leikmenn svo hægt sé að skrá Olmo í hópinn.

Börsungar hefja leik í La Liga gegn Valencia á föstudaginn og er óvíst hvort Olmo geti verið með.

Hann er 26 ára miðjumaður sem uppalinn er hjá Barcelona en hélt til Króatíu sextán ára gamall og var í sex ár hjá Dinamo Zagreb. Hann hélt svo til RB Leipzig árið 2020 en er nú mættur aftur í uppeldisfélagið.

Olmo var í mikilvægu hlutverki á EM í sumar þegar Spánn varð Evrópumeistari. Hann er sóknarsinnaður miðjumaður sem getur einnig spilað á köntunum.