Man Utd hefur ekki spilað fótboltaleik síðan 20. mars og kemur Lisandro Martínez inn í varnarlínuna fyrir Harry Maguire sem er í leikbanni. Það er talsverður hæðarmunur á miðvörðunum og verður áhugavert að sjá hvort það muni hafa áhrif á varnarleik liðsins gegn Dominic Calvert-Lewin sem er öflugur í loftinu.

Noussair Mazraoui kemur þá inn í hægri bakvarðarstöðuna fyrir Diogo Dalot og er Kobbie Mainoo ekki í hóp vegna smávægilegra meiðsla.

Manuel Ugarte tekur stöðu Mainoo á miðjunni á meðan Benjamin Sesko fær tækifæri í fremstu víglínu í stað Bryan Mbeumo sem sest á bekkinn.

Man Utd gerði jafntefli við Bournemouth fyrir landsleikjahléð en það er talsvert styttra síðan Leeds spilaði keppnisleik. Lærlingar Farke slógu West Ham úr leik í 8-liða úrslitum enska bikarsins síðustu helgi.

Farke gerir fjórar breytingar eftir sigur í vítaspyrnukeppni gegn West Ham, þar sem Karl Darlow kemur inn á milli stanganna fyrir Lucas Perri og taka Gabriel Gudmundsson og Brenden Aaronson sæti í byrjunarliðinu.

Calvert-Lewin var hvíldur stærsta hluta leiksins um síðustu helgi og byrjar í kvöld.

Joe Rodon, Anton Stach og Lukas Nmecha detta úr liðinu.

Man Utd: Lammens, Mazraoui, Martinez, Yoro, Shaw, Ugarte, Casemiro, Fernandes, Cunha, Amad, Sesko.
Varamenn: Bayindir, Dalot, Mount, Zirkzee, Malacia, Mbeumo, Heaven, Fletcher, Lacey.

Leeds: Darlow, Bogle, Bijol, Struijk, Gudmundsson, Justin, Ampadu, Tanaka, Aaronson, Calvert-Lewin, Okafor.
Varamenn: Perri, Longstaff, Piroe, Nmecha, Bornauw, Byram, Gnonto, Buonanotte, Gruev.