Ítalska fótboltahelgin byrjar á morgun þegar Brescia mætir Lecce í nýliðaslag. Napoli spilar svo sinn fyrsta leik undir stjórn Gennaro Gattuso og verður sú viðureign sýnd beint á Stöð 2 Sport 3.
Það verður áhugavert að sjá hvernig Napoli gengur í sínum fyrsta leik án Carlo Ancelotti. Gattuso hefur verið ráðinn til að stappa stálinu í leikmenn en Aurelio De Laurentiis eigandi Napoli taldi Ancelotti vera of linan.
Laugardagskvöldinu lýkur á einum af frægari nágrannaslögum Ítalíu. Þar tekur Genoa á móti Sampdoria á Luigi Ferraris leikvanginum í Genúa. Bæði lið hafa farið illa af stað í haust og eru í fallbaráttu.
Sunnudagurinn hefst fyrir hádegi þegar Verona tekur á móti Torino. Nágrannarnir og Ítalíumeistararnir margföldu í Juventus eiga svo heimaleik við fallbaráttulið Udinese. Juve þarf sigur eftir tap gegn Lazio og jafntefli við Sassuolo í síðustu umferðum. Meistararnir eru í öðru sæti, tveimur stigum eftir Inter.
Milan tekur þá á móti Sassuolo á meðan Bologna og Atalanta eigast við. Roma fær SPAL í heimsókn í beinni útsendingu áður en Fiorentina tekur á móti Inter í lokaleik dagsins.
Síðasti leikur helgarinnar fer svo fram á mánudagskvöldið. Þar á Cagliari heimaleik við Lazio en aðeins fjögur stig skilja liðin að í Meistaradeildarbaráttunni. Cagliari hefur reynst spútnik lið fyrri hluta tímabilsins á Ítalíu og er Lazio aðeins fimm stigum frá toppliði Inter eftir sigur gegn Juve í síðustu umferð.
Laugardagur:
14:00 Brescia - Lecce
17:00 Napoli - Parma (Stöð 2 Sport 3)
19:45 Genoa - Sampdoria (Stöð 2 Sport 3)
Sunnudagur:
11:30 Verona - Torino
14:00 Juventus - Udinese (Stöð 2 Sport)
14:00 Milan - Sassuolo
14:00 Bologna - Atalanta
17:00 Roma - SPAL (Stöð 2 Sport 3)
19:45 Fiorentina - Inter
Mánudagur:
19:45 Cagliari - Lazio
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 37 | 27 | 5 | 5 | 86 | 32 | +54 | 86 |
| 2 | Napoli | 37 | 22 | 7 | 8 | 57 | 36 | +21 | 73 |
| 3 | Roma | 37 | 22 | 4 | 11 | 57 | 31 | +26 | 70 |
| 4 | Milan | 37 | 20 | 10 | 7 | 52 | 33 | +19 | 70 |
| 5 | Como | 37 | 19 | 11 | 7 | 61 | 28 | +33 | 68 |
| 6 | Juventus | 37 | 19 | 11 | 7 | 59 | 32 | +27 | 68 |
| 7 | Atalanta | 37 | 15 | 13 | 9 | 50 | 35 | +15 | 58 |
| 8 | Bologna | 37 | 16 | 7 | 14 | 46 | 43 | +3 | 55 |
| 9 | Lazio | 37 | 13 | 12 | 12 | 39 | 39 | 0 | 51 |
| 10 | Udinese | 37 | 14 | 8 | 15 | 45 | 47 | -2 | 50 |
| 11 | Sassuolo | 37 | 14 | 7 | 16 | 46 | 49 | -3 | 49 |
| 12 | Torino | 37 | 12 | 8 | 17 | 42 | 61 | -19 | 44 |
| 13 | Parma | 37 | 10 | 12 | 15 | 27 | 46 | -19 | 42 |
| 14 | Genoa | 37 | 10 | 11 | 16 | 41 | 50 | -9 | 41 |
| 15 | Fiorentina | 37 | 9 | 14 | 14 | 40 | 49 | -9 | 41 |
| 16 | Cagliari | 37 | 10 | 10 | 17 | 38 | 52 | -14 | 40 |
| 17 | Lecce | 37 | 9 | 8 | 20 | 27 | 50 | -23 | 35 |
| 18 | Cremonese | 37 | 8 | 10 | 19 | 31 | 53 | -22 | 34 |
| 19 | Verona | 37 | 3 | 12 | 22 | 25 | 59 | -34 | 21 |
| 20 | Pisa | 37 | 2 | 12 | 23 | 25 | 69 | -44 | 18 |
