Kosningarbarátta Guðna Bergssonar og Geirs Þorsteinssonar er hafin en þeir eru farnir að taka hús á aðildarfélögum og ræða málin.
Þeir bjóða sig báðir fram til formanns KSÍ en kosið verður á ársþingi sambandsins þann 9. febrúar nk.
Þeir bjóða sig báðir fram til formanns KSÍ en kosið verður á ársþingi sambandsins þann 9. febrúar nk.
Í gærkvöldi kíktu frambjóðendurnir í kaffi á Vivaldi völlinn á Seltjarnarnesi sem er heimavöllur Gróttu.
„Formaður og heiðursformaður KSÍ kíktu við í kaffibolla á Vivaldivöllinn í kvöld og fóru yfir málin með stjórn knattspyrnudeildar Gróttu," segir í Facebook færslu Gróttu.
Búast má við því að fjör eigi eftir að færast í kosningarbaráttuna eftir því sem að á líður en Ragnheiður Ríkharðsdóttir tilkynnti um helgina að hún myndi nú íhuga að bjóða sig fram á móti þeim.
Tilkynna þarf framboð tveimur vikum fyrir ársþing eða í síðasta lagi laugardaginn 26. janúar.
Athugasemdir