Nökkvi kominn til Sparta Rotterdam (Staðfest)

Mynd: Sparta Rotterdam

Hollenska félagið Sparta Rotterdam er búið að tilkynna félagaskipti Nökkva Þeys Þórissonar til félagsins á lánssamningi sem gildir út tímabilið og inniheldur kaupmöguleika.

Nökkvi er 25 ára gamall sem fer til Sparta á láni frá St. Louis City frá Bandaríkjunum. Hann er fenginn sem framherji en getur einnig spilað á vinstri vængnum eins og hann gerði oftast með KA og í Bandaríkjunum. Nökkvi hefur ekki fundið sinn besta takt í MLS deildinni þar sem honum tókst aðeins að skora fimm mörk og gefa tvær stoðsendingar í 39 leikjum.

Hann heldur því í hollenska boltann í fyrsta sinn á ferlinum, en hann vakti upprunalega athygli á sér með Beerschot í Belgíu. Hann var lykilmaður liðsins í næstefstu deild þar í landi sem varð til þess að St. Louis City ákvað að næla sér í hann.

Nökkvi rennur út á samningi hjá St. Louis um næstu áramót og er ekkert sem bendir til þess að hann muni semja aftur við bandaríska félagið.

Sparta Rotterdam er í harðri fallbaráttu í efstu deild hollenska boltans, með 13 stig eftir 18 umferðir. Nökkvi er fenginn til að hjálpa liðinu við markaskorun þar sem leikmenn Sparta eru samtals búnir að skora 15 mörk á deildartímabilinu.

Nökkvi er uppalinn hjá Dalvík/Reyni en var fenginn til Belgíu eftir að hafa átt magnað tímabil í Bestu deildinni 2022 með KA. Hann þótti mikið efni á yngri árum og lék með U19 liði Hannover í Þýskalandi frá 2016 til 2018.

Velkominn, Nökkvi!
— Sparta Rotterdam (@SpartaRotterdam) January 14, 2025

Mynd: Sparta Rotterdam

Stöðutafla

#	Lið	L	mun	Stig
1	PSV	34	+56	84
1	Feyenoord	3	+7	9
2	Zwolle	3	+4	7
2	Feyenoord	34	+26	65
3	Utrecht	2	+5	6
3	NEC	34	+24	59
4	Twente	34	+19	58
4	Vitesse	3	+4	6
5	Ajax	34	+21	56
5	PSV	2	+4	6
6	Utrecht	34	+13	53
6	Ajax	3	+3	6
7	AZ	34	+7	52
7	AZ	3	+2	6
8	Heerenveen	34	+4	51
8	VV Venlo	3	+2	6
9	Heerenveen	3	+1	5
9	Groningen	34	+4	48
10	Heracles Almelo	3	+1	5
10	Sparta Rotterdam	34	-22	43
11	Fortuna Sittard	34	-14	39
11	Excelsior	3	0	4
12	Sparta Rotterdam	3	-3	2
12	Go Ahead Eagles	34	+1	38
13	Groningen	2	-2	1
13	Excelsior	34	-13	38
14	Telstar	34	-6	37
14	NAC	3	-6	1
15	Zwolle	34	-27	37
15	Roda	2	-4	0
16	Twente	3	-4	0
16	Volendam	34	-20	32
17	NAC	34	-23	29
17	ADO Den Haag	3	-6	0
18	Heracles Almelo	34	-50	19
18	Willem II	3	-8	0