Byrjunarlið KR og ÍA: Arnór Sveinn byrjar og er með bandið

KR er í 5. sæti deildarinnar fyrir leikinn og ÍA er í tíunda sætinu.

Rúnar Kristinsson, þjálfari KR, gerir þrjár breytingar á liði sínu frá 2-3 útisigrinum gegn FH í síðustu umferð. Arnór Sveinn Aðalsteinsson kemur inn í liðið og ber fyrirliðabandið í leiknum, Þorsteinn Már Ragnarsson og Kristinn Jónsson koma einnig inn í liðið. Hallur Hansson er ekki í leikmannahópi KR í dag en þeir Pálmi Rafn Pálmason og Aron Kristófer Lárusson taka sér sæti á bekknum. Leikurinn í dag er sá fyrsti hjá Arnóri í sumar.

Jón Þór Hauksson, þjálfari ÍA, gerir einnig þrjár breytingar á sínu liði frá 0-2 tapinu gegn Keflavík í síðustu umferð. Jón Gísli Eyland, Brynjar Snær Pálsson og Eyþór Aron Wöhler koma allir inn í liðið. Þeir Hlynur Sævar Jónsson, Benedikt Warén og Guðmundur Tyrfingsson taka sér sæti á bekknum.