Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 17. nóvember 2022 12:08
Elvar Geir Magnússon
Bellerín verstu sumarkaup Barcelona
Hector Bellerín.
Hector Bellerín.
Mynd: Getty Images
Mundo Deportivo stóð fyrir könnun meðal stuðningsmanna Barcelona þar sem bakvörðurinn Hector Bellerín var valinn verstu sumarkaup félagsins.

Bellerín rifti við Arsenal á liðnu sumri og gerði eins árs samning við Barcelona, sitt uppeldisfélag. En heimkoman hefur ekki gengið að óskaum,

Bellerín hefur bara spilað fimm leiki á fyrri hluta tímabilsins og hafa þrír þeirra verið sem byrjunarliðsmaður. Meiðsli hafa sett strik í reikninginn.

Það kemur ekki á óvart að Robert Lewandowski var valinn bestu sumarkaupin en hann hefur skorað 18 mörk í 19 fyrstu leikjum sínum fyrir félagið. Jules Kounde sem kom frá Sevilla skorar líka hátt.

Fílabeinsstrendingurinn Franck Kessie er á hinum endanum ásamt Bellerín. Bellerín hefur ekki spilað landsleik fyrir Spán í rúmlega tvö ár og er ekki í HM hópnum.
Athugasemdir
banner
banner
banner
banner