Carlo Ancelotti, stjóri Everton, segir að það minnki sigurlíkur síns liðs í grannaslagnum gegn Liverpool á sunnudaginn að spilað sé án áhorfenda.
„Allir í fótboltanum tala um stuðningsmenn sem tólfta mann og við þekkjum vel hvernig okkar aðdáendur styðja okkur á heimavelli. En við verðum að virða reglurnar," segir Ancelotti.
„Allir í fótboltanum tala um stuðningsmenn sem tólfta mann og við þekkjum vel hvernig okkar aðdáendur styðja okkur á heimavelli. En við verðum að virða reglurnar," segir Ancelotti.
„Við þurfum að spila fullkominn leik, sýna karakter og fórnir. Til að vinna Liverpool verðum við að vera meira en 100%"
Gylfi Þór Sigurðsson er klár í slaginn hjá Everton en ekki er hægt að segja það sama um Fabian Delph, Yerry Mina, Theo Walcott og Jean-Philippe Gbamin sem eru á meiðslalista Everton.
Gbamin, sem er varnartengiliður frá Fílabeinsströndinni, verður frá næstu fimm mánuði. Hann gekk í raðir Everton síðasta sumar en meiðsli hafa gert það að verkum að hann hefur aðeins spilað einn byrjunarliðsleik í ensku úrvalsdeildinni.
Everton er í tólfta sæti ensku úrvalsdeildarinnar og Ancelotti segir að enn sé möguleiki á að ná Evrópudeildarsæti. Liverpool trónir á toppnum og er hársbreidd frá því að tryggja sér titilinn.
Athugasemdir