Peter Crouch hrósar Antonio Conte, stjóra Tottenham, og segir að hann hafi fært liðinu sigurhugarfar sem hafi vantað.

„Hann hefur breytt leikmönnum í sigurvegara, hann kemur með hugarfar sigurvegarans. Það hefur alltaf verið talað um að Tottenham menn séu of „mjúkir" og tapi á því. En miðað við hvernig hlutirnir ganga núna þá hafa stuðningsmenn trú á því að fjórða sætið verði þeirra," segir Crouch.

Conte virtist vera að tapa sínum fyrsta úrvalsdeildarleik með Tottenham þegar Bergwijn kom til bjargar.

„Þvílíkar lokamínútur. Um þetta snýst fótboltinn. Og fyrir Conte að vera enn ósigraður... ég er bara ánægður með að hafa fengið að vera vitni að þessu," segir Crouch.