Fotbolti.net
21.03.19 - 13:45
Arnar Daði Arnarsson

Bjarki Már ráðinn þjálfari Kormáks/Hvatar (Staðfest)

Bjarki Már hefur tekið við Kormáki/Hvöt.

Bjarki Már hefur tekið við Kormáki/Hvöt.

Canon

Mynd: Fótbolti.net - Hafliði Breiðfjörð

Bjarki Már Árnason hefur verið ráðinn þjálfari knattspyrnuliðs Kormáks/Hvatar sem leikur í 4. deild. Bjarki Már mun einnig spila með liðinu. Þetta kemur í tilkynningu frá félaginu.
Kormákur og Hvöt hafa teflt fram sameiginlegu liði í meistaraflokki karla síðustu ár. Hámundur Örn og Hörður Gylfason sem hafa stjórnað liðinu síðustu ár munu vera Bjarka innan handar.

„Ég er virkilega stoltur og ánægður með að fá þetta tækifæri á að þjálfa Kormák/Hvöt. Ég er sannfærður um það að ef allir í klúbbnum leggjast á eitt þá getur sumarið orðið mjög flott í alla staði," sagði Bjarki Már eftir að hafa skrifað undir samning við félagið.

Kormákur/Hvöt leikur í B-riðli 4. deildar ásamt KB, Afríku, Hvíta Riddaranum, KM, Úlfunum, Snæfell og ÍH.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.