Andrea Celeste Thorisson var í byrjunarliðinu og gerði fyrsta mark leiksins er Kalmar lagði Brommapojkarna að velli í B-deild sænska kvennaboltans.
Andrea Celeste er 22 ára gömul og var lykilmaður í yngri landsliðum Íslands en tók aldrei stökkið upp í A-landsliðið.
Kalmar er á góðu róli í fjórða sæti með 39 stig eftir 23 umferðir en liðið á ekki möguleika á að komast upp í efstu deild í ár.
Brommapojkarna 1 - 2 Kalmar
0-1 Andrea Celeste Thorisson ('22)
1-1 Prakt Johansson ('70)
1-2 T. Tindell ('93)
Andrea er ekki eini Íslendingurinn sem leikur í B-deildinni því Kristrún Rut Antonsdóttir spilaði síðasta stundarfjórðunginn er Mallbacken lagði Alvsjö að velli.
Kristrún Rut hefur verið mikið í kringum byrjunarliðið frá komu sinni til Mallbacken og er liðið einu stigi á eftir Kalmar á stöðutöflunni.
Kristrún er 26 ára Selfyssingur sem gerði góða hluti í ítalska boltanum og lék meðal annars fyrir stórlið Avaldsnes í Noregi í fyrra.
Alvsjö 0 - 2 Mallbacken
0-1 I. Hallstensson ('53)
0-2 R. Kivumbi ('75)
Athugasemdir