Newcastle vann heldur betur óvæntan sigur í ensku úrvalsdeildinni í dag. Tveir síðustu leikir þriðju umferðarinnar hófust klukkan 15:30.
Lærisveinar Steve Bruce í Newcastle heimsóttu Tottenham og þar kom Joelinton gestunum yfir á 27. mínútu. Fyrsta mark þessa dýrasta leikmanns í sögu Newcastle fyrir félagið. Hann skoraði eftir undirbúning Christian Atsu.
Tottenham var auðvitað meira með boltann en Newcastle varðist vel og reyndi ekki mikið á Dubravka í markinu. Þegar rúmar 10 mínútur voru eftir vildi Tottenham fá vítaspyrnu þegar Harry Kane féll í teignum. Atvikið var skoðað með VAR, en víti var ekki dæmt. Tottenham-menn voru ekki sáttir með það.
Newcastle náði að landa mjög svo óvæntum sigri, lokatölur 1-0 fyrir Newcastle sem vinnur sinn fyrsta leik á tímabilinu. Tottenham er með fjögur stig.
Jóhann Berg fór meiddur af velli
Í hinum leiknum mættust Wolves og Burnley þar sem Burnley var nokkrum sekúndum frá því að fara með sigur af hólmi.
Ashley Barnes kom Burnley yfir á 13. mínútu, hans fjórða mark í þremur leikjum á tímabilinu. Frábær byrjun hjá honum.
Í seinni hálfleiknum fór Jóhann Berg Guðmundsson meiddur af velli. Það er vonandi að það sé ekki alvarlegt enda eru landsleikir framundan gegn Moldavíu og Albaníu.
66' Burnley substitution - Lennon replaces Gudmundsson. 0-1
— Burnley FC (@BurnleyOfficial) August 25, 2019
Undir lok leiksins jöfnuðu Úlfarnir úr vítaspyrnu sem Raul Jimenez skoraði úr. Lokatölur 1-1. Úlfarnir hafa gert þrjú jafntefli í fyrstu þremur leikjunum. Burnley er með fjögur stig.
Tottenham 0 - 1 Newcastle
0-1 Joelinton ('27 )
Wolves 1 - 1 Burnley
0-1 Ashley Barnes ('13 )
1-1 Raul Jimenez ('90 , víti)
Sjá einnig:
England: 400 lykiltalan í sigri City á B'mouth
Athugasemdir