Andrea Belotti, framherji Torino á Ítalíu, sá um að ná í sigur fyrir liðið er það mætti AC Milan á Ólympíuleikvanginum í Tórínó í kvöld.

Pólski framherjinn Krzysztof Piatek kom Milan yfir úr vítaspyrnu á 19. mínútu en þetta var annað mark hans á tímabilinu.

Milan var mun betra liðið í fyrri hálfleik en í þeim síðari kom Belotti liði Torino til bjargar. Hann jafnaði metin á 72. mínútu og tryggði svo sigurinn fjórum mínútum síðar.

Lokatölur 2-1 fyrir Torino sem er 5. sæti með 9 stig en Milan er í 10. sæti með 6 stig.