Brynjar Skúlason mun ekki stýra KFA á næstu leiktíð en hann er hættur með liðið.
Þetta kom fram í slúðurpakkanum íslenska sem var birtur í dag.
Þetta kom fram í slúðurpakkanum íslenska sem var birtur í dag.
Rætt hefur verið við nokkra þjálfara til þess að stýra liðinu á næstu leiktíð og þar á meðal er Mikael Nikulásson, fyrrum þjálfari Njarðvíkur.
Mikael, sem er sérfræðingur í hlaðvarpsþættinum Þungavigtinni, segir í samtali við Fótbolta.net að hann hafi vissulega rætt við KFA en það sé langt frá því að vera frágengið og ekkert víst í þeim efnum.
Mikael þjálfaði síðast Njarðvík sumarið 2020. Undir hans stjórn endaði liðið í fjórða sæti 2. deildar. Hann hefur einnig þjálfað ÍH og Núma á sínum ferli.
KFA endaði í tíunda sæti 2. deildar á síðustu leiktíð.
Athugasemdir