Scott McTominay er funheitur með Napoli
Monza er fallið
Skoski miðjumaðurinn Scott McTominay skoraði bæði mörk Napoli sem vann Torino 2-0 í 34. umferð Seríu A á Ítalíu í kvöld.
McTominay er að eiga stórkostlegt tímabil með Napoli og verið þeirra helsta ógn í sóknarleiknum undanfarnar vikur.
Skotinn kom Napoli á bragðið á 7. mínútu eftir vel útfærða sókn heimamanna. Frank Anguissa fékk boltann hægra megin í teignum, kom honum fyrir markið á McTominay sem gerði tíunda deildarmark sitt á tímabilinu.
Hann gerði annað mark sitt undir lok fyrri hálfleiks er hann mætti fyrirgjöf Matteo Politano og skilaði boltanum í netið. McTominay verið ótrúlegur síðan hann kom frá Manchester United á síðasta ári.
Napoli er á toppnum með 74 stig, þremur meira en Inter þegar fjórar umferðir eru eftir. Ef liðin enda jöfn að stigum í lok tímabils verður spilaður sérstakur úrslitaleikur.
Það hefur aðeins atvikast einu sinni en það var árið 1964 þegar Bologna og Inter voru jöfn að stigum. Bologna vann úrslitaleikinn 2-0 og vann þá sjöunda deildartitil sinn.
Leikirnir sem Napoli á eftir:
Lecce (ú)
Genoa (h)
Parma (ú)
Cagliari (h)
Leikirnir sem Inter á eftir:
Verona (h)
Torino (ú)
Lazio (h)
Como (ú)
Juventus vann botnliðið og Þórir spilaði í jafntefli gegn Atalanta
Nicolas Gonzalez og Randal Kolo Muani skoruðu mörkin er Juventus vann botnlið Monza 2-0 í Tórínó.
Juventus neyddist til að spila síðari hálfleikinn manni færri eftir að tyrkneski landsliðsmaðurinn Kenan Yildiz fékk að líta rauða spjaldið.
Juventus er í 4. sæti deildarinnar með 62 stig en Monza er á botninum og nú fallið niður í B-deildina eftir að Lecce náði í stig gegn Atalanta.
Þórir Jóhann Helgason kom inn af bekknum hjá Lecce í 1-1 jafnteflinu gegn Atalanta.
Lecce er í 17. sæti með 27 stig og í harðri fallbaráttu ásamt Venezia og Empoli. Monza er tólf stigum á eftir Lecce, en markatala gildir ekki heldur eru það innanbyrðis viðureignir og þar hefur Lecce betur. Monza á því ekki lengur möguleika á að enda ofar en 18. sæti.
Atalanta 1 - 1 Lecce
0-1 Jesper Karlsson ('29 , víti)
1-1 Mateo Retegui ('69 , víti)
Juventus 2 - 0 Monza
1-0 Nicolas Gonzalez ('11 )
2-0 Randal Kolo Muani ('33 )
Rautt spjald: Kenan Yildiz, Juventus ('45)
Napoli 2 - 0 Torino
1-0 Scott McTominay ('7 )
2-0 Scott McTominay ('41 )
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 11 | 8 | 0 | 3 | 26 | 12 | +14 | 24 |
| 2 | Roma | 11 | 8 | 0 | 3 | 12 | 5 | +7 | 24 |
| 3 | Milan | 11 | 6 | 4 | 1 | 17 | 9 | +8 | 22 |
| 4 | Napoli | 11 | 7 | 1 | 3 | 16 | 10 | +6 | 22 |
| 5 | Bologna | 11 | 6 | 3 | 2 | 18 | 8 | +10 | 21 |
| 6 | Juventus | 11 | 5 | 4 | 2 | 14 | 10 | +4 | 19 |
| 7 | Como | 11 | 4 | 6 | 1 | 12 | 6 | +6 | 18 |
| 8 | Sassuolo | 11 | 5 | 1 | 5 | 14 | 12 | +2 | 16 |
| 9 | Lazio | 11 | 4 | 3 | 4 | 13 | 9 | +4 | 15 |
| 10 | Udinese | 11 | 4 | 3 | 4 | 12 | 17 | -5 | 15 |
| 11 | Cremonese | 11 | 3 | 5 | 3 | 12 | 13 | -1 | 14 |
| 12 | Torino | 11 | 3 | 5 | 3 | 10 | 16 | -6 | 14 |
| 13 | Atalanta | 11 | 2 | 7 | 2 | 13 | 11 | +2 | 13 |
| 14 | Cagliari | 11 | 2 | 4 | 5 | 9 | 14 | -5 | 10 |
| 15 | Lecce | 11 | 2 | 4 | 5 | 8 | 14 | -6 | 10 |
| 16 | Pisa | 11 | 1 | 6 | 4 | 8 | 14 | -6 | 9 |
| 17 | Parma | 11 | 1 | 5 | 5 | 7 | 14 | -7 | 8 |
| 18 | Genoa | 11 | 1 | 4 | 6 | 8 | 16 | -8 | 7 |
| 19 | Verona | 11 | 0 | 6 | 5 | 6 | 16 | -10 | 6 |
| 20 | Fiorentina | 11 | 0 | 5 | 6 | 9 | 18 | -9 | 5 |
Athugasemdir
