Kári fagnar á móti Englandi.
Kári Árnason spjallaði við fréttamenn fyrir æfingu landsliðsins í Annecy í dag.
Framundan er auðvitað leikur við Frakka á sunnudag og segir Kári það ganga nokkuð vel að koma mönnum niður á jörðina eftir sigurinn á Englandi.
Framundan er auðvitað leikur við Frakka á sunnudag og segir Kári það ganga nokkuð vel að koma mönnum niður á jörðina eftir sigurinn á Englandi.
„Það gengur ágætlega, þetta er búið að vera rólegt hjá okkur og við erum að hlaða batterýin."
Kári var spurður hvort Frakkland væru með betra lið en England.
„Það er spurning hvort þeir séu með betri leikmenn, þeir eru með frábæra leikmenn innanborðs. Þetta eru bæði lið sem hafa ekki spilað sitt besta mót, þó að Frakkarnir séu komnir langt, þá býst fólk við meiru af þeim."
Liðið er búið að fá á sig eitt mark í öllum leikjunum hingað til og vill Kári fá að sjá þá halda hreinu.
„Við höfum skorað í hverjum einasta leik en það væri fínt að halda hreinu svona einu sinni," sagði Kári
Viðtalið má sjá í heild sinni hér að ofan.
Fótbolti.net er með öflugt teymi á Evrópumótinu og færir ykkur fjölmargar fréttir daglega. Einnig er fylgst grannt með gegnum helstu samskiptamiðla.
- Vertu með okkur á Twitter með því að nota kassamerkið #fotboltinet fyrir færslur um mótið.
- Fótbolti.net á Snapchat: Fotboltinet
- Fótbolti.net á Instagram: Smelltu hér til að sjá .Net á Instagram.
Fótbolti.net á Facebook: Smelltu hér til að fara á heimasvæði Fótbolta.net á Facebook.
FARÐU Á EM SÍÐU FÓTBOLTA.NET
