Sheraldo Becker taldi sig hafa komið Union yfir á 29. mínútu er liðsfélagi hans skaut boltanum í hann og þaðan í netið. Eftir athugun frá VAR ákvað dómarann að taka markið til baka þar sem boltinn fór af hendinni á Becker og í netið.

Fjórum mínútum síðar skoraði svissneski varnarmaðurinn Nico Elvedi fyrir Gladbach eftir hornspyrnu Lars Stindl og fór Gladbach því með forystu inn í hálfleikinn.

Union jafnaði metin á 79. mínútu í gegnum Kevin Behrens eftir fyrirgjöf Diogo Leite og það var svo á sjöundu mínútu í uppbótartíma sem Danilho Doekhi tryggði sigurinn með skallamarki. Stuttu áður var mark dæmt af Union en mark Doekhi var dæmt gilt og lokatölur 2-1 fyrir Union sem er komið aftur í efsta sæti deildarinnar.

Köln gerði 1-1 jafntefli við Hoffenheim. Florian Kainz kom Köln yfir á 13. mínútu en danski leikmaðurinn Jacob Bruun Larsen jafnaði um það bil tuttugu mínútum síðar.

Vincenzo Grifo er þá heitur þessa daganna. Hann skoraði bæði mörk Freiburg í 2-0 sigri á slöku liði Schalke. Freiburg er í 3. sæti með 24 stig en Schalke á botninum með 6 stig.

Úrslit og markaskorarar:

Union Berlin 2 - 1 Borussia M.
0-1 Nico Elvedi ('33 )
1-1 Kevin Behrens ('79 )
2-1 Danilho Doekhi ('90 )

Koln 1 - 1 Hoffenheim
1-0 Florian Kainz ('13 )
1-1 Jacob Bruun Larsen ('35 )
Rautt spjald: Ozan Kabak, Hoffenheim ('87)

Schalke 04 0 - 2 Freiburg
0-1 Vincenzo Grifo ('45 )
0-2 Vincenzo Grifo ('61 , víti)