Pioli framlengir við Milan (Staðfest)
Pioli hefur verið hjá Milan í þrjú ár og ætlar að vera í þrjú í viðbót.
Mynd: EPA
Pioli hefur verið hjá Milan í þrjú ár og ætlar að vera í þrjú í viðbót.
Mynd: EPA
Stefano Pioli er búinn að skrifa undir nýjan samning við Ítalíumeistara AC Milan sem gildir til sumarsins 2025.
Pioli er 57 ára gamall og lék meðal annars fyrir Juventus og Fiorentina á ferli sínum sem atvinnumaður í fótbolta. Hann var miðvörður og lék fyrir U21 landslið Ítalíu en fékk aldrei tækifærið með A-liðinu.
Sem þjálfari hefur hann komið víða við í ítalska boltanum og var Milan þréttanda félagsliðið í hans umsjón á sextán ára þjálfaraferli.
Pioli stýrði meðal annars Fiorentina, Inter og Lazio áður en hann tók við Milan fyrir þremur árum, í október 2019.
Milan er í þriðja sæti ítölsku deildarinnar sem stendur, með 26 stig úr 12 leikjum. Meistararnir eru sex stigum eftir toppliði Napoli sem virðist óstöðvandi í ár.
