,,Mér fannst fara úrskeiðis dekkning í fyrstu tveimur mörkunum. Þegar það er hornspyrna og andstæðingurinn skorar þá er maður ekki sáttur við að það sé á þennan hátt. Síðan fór það úrskeiðis að við létum hreinlega reka okkur út af," sagði Ólafur Kristjánsson þjálfari Breiðabliks eftir 4-1 tap liðsins gegn FH í kvöld.
Jökull Elísabetarson fékk rauða spjaldið í stöðunni 2-1 um miðjan síðari hálfleik þegar hann braut af sér og fékk gult spjald og fékk síðan annað gula spjald á sama tíma fyrir kjaftbrúk. Veit Ólafur hvað Jökull sagði við Þorvald Árnason dómara?
Jökull Elísabetarson fékk rauða spjaldið í stöðunni 2-1 um miðjan síðari hálfleik þegar hann braut af sér og fékk gult spjald og fékk síðan annað gula spjald á sama tíma fyrir kjaftbrúk. Veit Ólafur hvað Jökull sagði við Þorvald Árnason dómara?
,,Ég ákvað að fara ekkert dýpra í það að svo stöddu. Jökull er svekktur út í sjálfan sig og ég er svekktur út í tapið. Við ræðum það á morgun."
Íslandsmeistararnir eru á botninum án stiga eftir tvær umferðir en næsti leikur er gegn Grindavík á miðvikudag.
,,Við erum búnir að spila við tvo sterka andstæðinga og eigum að spila við mjög sterkt lið Grindavíkur á miðvikudaginn. Það verður að rífa sig upp í þeim leik, það er ekkert annað í boði."
,,Ég trúi ekki öðru en að við tökum það góða úr þessum fyrstu tveimur leikjum og bætum nokkrum grömmum við og sjáum hvort við getum ekki fengið þá þrjá punkta sem við erum að bíða eftir," sagði Ólafur að lokum.
Hér að ofan má sjá viðtalið í heild sinni.
