Guðjón Baldvinsson, framherji KR, er kominn aftur til Íslands eftir að hafa verið á reynslu hjá Halmstad í Svíþjóð.
Halmstad endaði í neðsta sæti sænsku úrvalsdeildarinnar í ár og mun því leika í næstefstu deild á næsta ári en félagið hefur áhuga á Guðjóni.
Halmstad endaði í neðsta sæti sænsku úrvalsdeildarinnar í ár og mun því leika í næstefstu deild á næsta ári en félagið hefur áhuga á Guðjóni.
,,Það gekk mjög vel og þjálfarinn var ánægður. Hann sagðist ætla láta stjórnina fara í þetta," sagði Guðjón við Fótbolta.net í dag.
,,Það er áhugi hjá þeim en síðan er spurning hvort allir nái saman."
Guðjón skoraði átta mörk í 20 leikjum í Pepsi-deildinni þegar KR varð Íslandsmeistari í sumar.
Þessi 25 ára gami leikmaður þekkir til í Svíþjóð eftir að hafa verið á mála hjá GAIS.
