Lestu um leikinn: KR 0 -  0 Fjölnir

„Mikil vonbrigði að hafa ekki spilað betri fótboltaleik og skorað mark á heimavelli og unnið þennan leik. Við vorum bara ekki góðir í dag og leikurinn í heild sinni vonbrigði."

KR skoraði mark í fyrri hálfleik sem stóð ekki vegna þess að boltinn var farinn útaf. Rúnar segist vona að það hafi verið rétt ákvörðun því það væri gríðarlega svekkjandi að lenda í svona atviki í öðrum leiknum í röð. Í síðasta leik gegn Breiðabliki átti KR að fá mark sem dómararnir sáu ekki.

„Þeir lokuðu vel á og við spiluðum full hægt, við skorum þetta eina mark í fyrri hálfleik og erfitt er að sjá hvort boltinn var útaf eða ekki, aðstoðardómarinn var einhverjum 45 metrum frá og það er sorglegt ef það er niðurstaðan annan leikinn í röð."

Rúnar segir að markmiðið sé það sama og það hefur verið í allt sumar, ná þessu fjórða sæti og vona að það komi þeim í Evrópu.

„Það hefur verið markmiðið okkar í allt sumar, auðvitað á þeim tímapunkti þegar við vorum örlítið nær toppliðunum langaði okkur að nálgast þau meira en ég held að það sé nokkurn veginn úr sögunni núna. Við sjáum til hvort við eigum einhverja möguleika á að komast hærra en það en ef við spilum eins og í dag getum við gleymt því."

Viðtalið er í heild sinni hér að ofan.