Jorginho, sem gekk í raðir Arsenal á gluggadeginum í gær, er búinn að vera með þetta númer á bakinu síðustu ár. Áður fyrr voru Michael Essien og Kurt Zouma með þetta númer.

Fernandez varð í gær dýrasti leikmaður í sögu enska boltans er Chelsea borgaði fyrir hann 120 milljónir evra. Viðræðurnar tóku langan tíma en það tókst að koma þeim yfir línuna á síðustu stundu áður en glugganum var lokað.

Jack Grealish var dýrasti leikmaður í sögu Englands þegar Manchester City keypti hann frá Aston Villa fyrir 100 milljónir punda, en núna er hinn 22 ára gamli Fernandez búinn að bæta það met.