Guðrún og Ísabella eru úr leik í bikarnum
Guðrún Arnardóttir og Ísabella Sara Tryggvadóttir eru úr leik í sænska bikarnum eftir að Rosengård tapaði fyrir Hammarby, 5-0, í undanúrslitum keppninnar í dag.
Smá hikst hefur verið á Rosengård í byrjun leiktíðar eftir að hafa verið langbesta lið Svíþjóðar á síðasta tímabili.
Um miðjan apríl tapaði Rosengård fyrir Hammarby með fjórum mörkum gegn engu og var þetta svipað í dag.
Hammarby skoraði fimm í leiknum og er greinilega að taka við kyndlinum.
Guðrún Arnardóttir lék í vörninni hjá Rosengård og þá kom Ísabella Sara inn af bekknum í síðari hálfleik.
Rosengård er úr leik en Hammarby komið áfram í úrslitaleikinn þar sem það mætir Norrköping. Leikurinn verður spilaður 6. júní næstkomandi.
Athugasemdir
