Enski bikarinn: Manchester City bikarmeistari 2023
Mynd: EPA
Mynd: EPA
<b>Manchester City 2 - 1 Manchester Utd</b>
1-0 Ilkay Gundogan ('1 )
1-1 Bruno Fernandes ('33 , víti)
2-1 Ilkay Gundogan ('51 )
Manchester City er enskur bikarmeistari eftir sigur á grönnum sínum í Manchester United í úrslitaleiknum á Wembley í dag.
Ilkay Gundogan var hetja liðsins en hann skoraði bæði mörkin. Það fyrra eftir 13 sekúndna leik og það seinna strax í upphafi síðari hálfleiks.
David De Gea hefur oft fengið að óþvegið en hann hefur verið harðlega gagnrýndur fyrir frammistöðu sína í dag. Þá sérstaklega með sinn hlut í seinna marki City þar sem hann hefði getað gert betur.
Gundogan fékk svo sannarlega færin til að fullkomna þrennuna. Hann setti boltann einu sinni í netið en var dæmdur rangstæður.
Man Utd var nálægt því að jafna metin í uppbótartíma þegar Raphael Varane átti skot í slá og Scott McTominay fylgdi á eftir og skallaði yfir.
