Byrjunarlið Víkings á Kýpur: Fyrirliðinn kemur inn

Klukkan 16:45 flautar hollenski dómarinn Sander van der Eijk leik Omonoia og Víkings á í Sambandsdeildinni. Leikurinn er liður í 1. umferð deildarinnar og fer fram á GSP leikvanginum í Nikósíu á Kýpur. Á vef UEFA segir að 23 gráðu hiti sé á leikstað.

Leikurinn í dag er fyrsti leikur Víkings í sjálfri Sambandsdeildinni. Arnar Gunnlaugsson, þjálfari Víkings, er búinn að velja byrjunarliðið sitt og er ein breyting frá sigurleiknum gegn Val á sunnudag. Fyrirliðinn Nikolaj Hansen kemur inn í liðið fyrir Helga Guðjónsson sem tekur sér sæti á bekknum.