Jafntefli var niðurstaðan þegar Bournemouth og Southampton áttust við í ensku úrvalsdeildinni í dag.

Fyrir leikinn í dag var Bournemouth í 16. sæti með tveimur stigum minna en dýrlingarnir sem voru í 12. sæti. Það var hart barist enda mjög lítið sem skildi liðin að í töflunni.

Bournemouth náði forystunni rétt fyrir hálfleik og leiddi í nokkurn tíma, fram á 61. mínútu en þá jafnaði Charlie Austin fyrir gestina.

Lokatölur 1-1, eitt stig á bæði lið. Það munar því enn tveimur stigum á liðunum, Southampton er nú í 11. sæti og Bournemouth í því 14..