Róbert Orri fékk aðhlynningu frá sjúkraþjálfaranum Rúnari Pálmarssyni á vellinum og fór svo af velli.
Róbert Orri Þorkelsson fór meiddur af velli snemma leiks þegar Víkingur heimsótti Keflavík í gær. Sölvi Geir Ottesen, þjálfari Víkings, segir að Róbert sé að glíma við meiðsli í nára og tekin hafi verið ákvörðun um að hann kæmi af velli.
„Hann fann fyrir stífleika í nára, hann var tilbúinn að láta reyna á þetta í leiknum, en við erum með færa menn á bekknum sem geta stundum tekið betri ákvarðanir fyrir leikmennina. Sjúkraþjálfarinn sagði honum að taka ekki neina sénsa og eftir á var það rétt ákvörðun. Þetta hefði getað farið verr ef hann hefði reynt að harka af sér, en við mátum stöðuna þannig að það væri skynsamlegt að taka hann út af. Við metum hann dag frá degi, þurfum að sjá hvernig hann kemur út úr næstu dögum," segir Sölvi.
Fyrirliðinn Oliver Ekroth kom inn á fyrir Róbert en Oliver hafði misst af síðustu leikjum vegna meiðsla. Víkingur er með fjóra öfluga miðverði í sínum leikmannahópi en Sveinn Gísli Þorkelsson er reyndar líka frá vegna meiðsla eftir að hafa tognað á æfingu og ættu að vera um 2-3 vikur í að hann verði klár í slaginn. Fjórði miðvörðurinn er svo Gunnar Vatnhamar sem skoraði fyrsta mark Víkings í gær.
„Hann fann fyrir stífleika í nára, hann var tilbúinn að láta reyna á þetta í leiknum, en við erum með færa menn á bekknum sem geta stundum tekið betri ákvarðanir fyrir leikmennina. Sjúkraþjálfarinn sagði honum að taka ekki neina sénsa og eftir á var það rétt ákvörðun. Þetta hefði getað farið verr ef hann hefði reynt að harka af sér, en við mátum stöðuna þannig að það væri skynsamlegt að taka hann út af. Við metum hann dag frá degi, þurfum að sjá hvernig hann kemur út úr næstu dögum," segir Sölvi.
Fyrirliðinn Oliver Ekroth kom inn á fyrir Róbert en Oliver hafði misst af síðustu leikjum vegna meiðsla. Víkingur er með fjóra öfluga miðverði í sínum leikmannahópi en Sveinn Gísli Þorkelsson er reyndar líka frá vegna meiðsla eftir að hafa tognað á æfingu og ættu að vera um 2-3 vikur í að hann verði klár í slaginn. Fjórði miðvörðurinn er svo Gunnar Vatnhamar sem skoraði fyrsta mark Víkings í gær.
Lestu um leikinn: Keflavík 1 - 3 Víkingur R.
Markvörðurinn Ingvar Jónsson fór þá af velli í hálfleik þar sem hann gat ekki haldið leik áfram. Aron Snær Friðriksson lék seinni hálfleikinn og varði vel undir lokin í stöðunni 1-2.
„Við þurfum að meta stöðuna á Ingvari, hann fór í myndatöku. Hann fór í aðgerð í vetur út af gallsteinum. Hann er aðeins að díla við það, þetta var ekki magakveisa eins og ég sagði í viðtali efitr leikinn í gær, heldur meira en það. Hann var í segulómskoðun og við bíðum eftir að fá út úr henni," segir Sölvi.
