Hallgrímur Mar Steingrímsson
Hallgrímur Mar Steingrímsson var hetja KA er liðið sótti sinn fyrsta sigur í Bestu deildinni í ár í greipar erkifjenda sinna í Þór á útivelli. Hallgrímur skoraði eina markið í 1-0 sigri úr vítaspyrnu sem hann fékk sjálfur og var að vonum ánægður í leikslok. Hvernig var að spila leikinn?
Lestu um leikinn: Þór 0 - 1 KA
„Það var sturlað. Það var banter hjá báðum stuðningsmannasveitum sem var geðveikt. Ég ákvað að svara þeim aðeins þarna þegar ég skoraði. En þetta var bara sturlað og geðveikt að fá allan þennan fjölda í stúkuna.“
Um leikinn sjálfan og spilamennsku KA sagði Hallgrímur.
„Allt í lagi. Ég hefði alveg viljað halda boltanum og skapa fleiri færi en þetta voru bara slagsmál allan leikinn og mikið um stopp hjá Ívari. Sem er kannski skiljanlegt í fyrsta leik á milli þessara liða í langan tíma.“
Hallgrímur sem alla jafna er fyrsti maður á blaði í liði KA hefur verið að ströggla að undanförnu og byrjaði til að mynda ekki gegn Keflavík á dögunum.
„Ég hreinlega veit það ekki. Ég fékk eitthvað í mjöðmina rétt fyrir Víkingsleikinn og er bara búinn að vera að glíma við það. Var góður í síðustu viku og náði seinni hálfleik gegn Keflavík en í þessari viku missti ég af öllum æfingum og þurfti að taka verkjalyf í dag, En ég var ekki að fara að missa af þessum leik “
Sagði Hallgrímur en allt viðtalið má sjá hér að ofan
HALLGRÍMUR MAR ???????? pic.twitter.com/6XC0oLkq7q
— KA (@KAakureyri) May 2, 2026
