Ólafur Ingi Skúlason, þjálfari Breiðabliks.
Samgöngumál Vestmannaeyja hafa mikið verið til umfjöllunar en Breiðablik brá á það ráð að ferðast til og frá Eyjum með þyrlu. Blikar unnu 2-1 útisigur gegn ÍBV í dag.
Fyrir leikinn fór þyrlan sjö ferðir frá Bakka í Landeyjum til Vestmannaeyja; fimm með leikmenn og starfslið Breiðabliks, eina með farangur og eina með dómurum leiksins.
Fyrir leikinn fór þyrlan sjö ferðir frá Bakka í Landeyjum til Vestmannaeyja; fimm með leikmenn og starfslið Breiðabliks, eina með farangur og eina með dómurum leiksins.
Lestu um leikinn: ÍBV 1 - 2 Breiðablik
Eftir leik flaug þyrlan svo með alla aftur upp á fasta landið.
„Jæja, æðislegur tími hérna í Vestmannaeyjum. Nú tökum við þrjá punktana heim í Kópavoginn, með þyrlunni," sagði Ívar Örn Árnason, varnarmaður Breiðabliks, á samfélagsmiðlum félagsins.
Herjólfur hefur verið að sigla frá Þorlákshöfn og hefði Breiðabliksliðið þurft að gista í Eyjum ef það hefði ferðast með bátnum. Kostnaðurinn við að nýta sér þyrluna er sambærilegur og ef Blikar hefðu siglt.
Breiðablik er enn ósigrað í Bestu deildinni en liðið er með ellefu stig, fjórum stigum frá toppliði KR.
