Það er gríðarlega mikilvæg helgi að renna upp í ítalska boltanum þar sem tvö af bestu liðum deildarinnar mætast í funheitri innbyrðisviðureign.
Viðureignin er svo heit að hún er kölluð Ítalíuslagurinn eða slagurinn um Ítalíu enda mætast hér tvö sigursælustu lið frá upphafi ítalska boltans, án þess að telja AC Milan.
Hatur þessara félaga fer langt aftur í tímann, en það er á síðustu áratugum sem hefur verið kynt undir hinum ýmsu erjum á milli félaganna. Juventus áfrýjaði Ítalíumeistaratitli Inter frá 2006 til dæmis í þrítugasta skipti á dögunum, en Juve missti titilinn til erkifjenda sinna eftir Calciopoli mútuskandalinn fræga.
Antonio Conte, sem er þjálfari Inter, var fyrirliði Juve á sínum tíma og lék fyrir félagið í 13 ár. Það eru því margir stuðningsmenn Juve sem eru óhressir með þessa ákvörðun Conte að taka við erkifjendunum. Svolítið eins og ef Roy Keane myndi taka við Arsenal.
Það eru þó aðrir leikir á dagskrá. Í dag verður ekki spilað en viðureign Brescia og Sassuolo átti að fara fram. Girogio Squinzi, forseti og eigandi Sassuolo, lést í vikunni og hefur félagið fengið samþykkt að fresta leiknum til 18. desember.
Á morgun eigast SPAL og Parma við í fyrsta leik áður en Verona tekur á móti Sampdoria. Genoa fær svo AC Milan í heimsókn í eina sjónvarpsleik dagsins.
Á sunnudaginn verður sýnt beint frá fjórum leikjum á Stöð 2 Sport. Þar á meðal er viðureign Roma og Cagliari og hörkuleikur Torino gegn Napoli.
Síðasti leikur helgarinnar fer fram á sunnudagskvöldið, þegar Inter tekur á móti Juve.
Laugardagur:
13:00 SPAL - Parma
16:00 Verona - Sampdoria
18:45 Genoa - AC Milan (Stöð 2 Sport)
Sunnudagur:
10:30 Fiorentina - Udinese (Stöð 2 Sport)
13:00 AS Roma - Cagliari (Stöð 2 Sport)
13:00 Atalanta - Lecce
13:00 Bologna - Lazio
16:00 Torino - Napoli (Stöð 2 Sport)
18:45 Inter - Juventus (Stöð 2 Sport)
Stöðutaflan
Ítalía
Serie A - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Inter | 33 | 27 | 5 | 1 | 79 | 18 | +61 | 86 |
2 | Milan | 33 | 21 | 6 | 6 | 64 | 39 | +25 | 69 |
3 | Juventus | 33 | 18 | 10 | 5 | 47 | 26 | +21 | 64 |
4 | Bologna | 33 | 17 | 11 | 5 | 48 | 26 | +22 | 62 |
5 | Roma | 33 | 17 | 7 | 9 | 59 | 39 | +20 | 58 |
6 | Atalanta | 32 | 16 | 6 | 10 | 59 | 37 | +22 | 54 |
7 | Lazio | 33 | 16 | 4 | 13 | 42 | 35 | +7 | 52 |
8 | Napoli | 33 | 13 | 10 | 10 | 50 | 41 | +9 | 49 |
9 | Fiorentina | 32 | 13 | 8 | 11 | 45 | 36 | +9 | 47 |
10 | Torino | 33 | 11 | 13 | 9 | 31 | 29 | +2 | 46 |
11 | Monza | 33 | 11 | 10 | 12 | 35 | 43 | -8 | 43 |
12 | Genoa | 33 | 9 | 12 | 12 | 35 | 40 | -5 | 39 |
13 | Lecce | 33 | 8 | 11 | 14 | 30 | 48 | -18 | 35 |
14 | Cagliari | 33 | 7 | 11 | 15 | 36 | 56 | -20 | 32 |
15 | Verona | 33 | 7 | 10 | 16 | 31 | 44 | -13 | 31 |
16 | Empoli | 33 | 8 | 7 | 18 | 26 | 48 | -22 | 31 |
17 | Udinese | 33 | 4 | 16 | 13 | 31 | 50 | -19 | 28 |
18 | Frosinone | 33 | 6 | 10 | 17 | 40 | 63 | -23 | 28 |
19 | Sassuolo | 33 | 6 | 8 | 19 | 39 | 65 | -26 | 26 |
20 | Salernitana | 33 | 2 | 9 | 22 | 26 | 70 | -44 | 15 |
Athugasemdir