Ég hef verið mjög þolinmóður með þetta og stekk ekki á hvað sem er.
„Maður verður að velja vel og finna hvað hentar mér best en markmiðið er að vera farinn út á þessu ári."
Í byrjun desember var greint frá því hér á Fótbolti.net að félög í efstu deildunum í Danmörku, Noregi og Svíþjóð hefðu áhuga á Róberti Orra Þorkelssyni.
Róbert er gífurlega efnilegur varnarmaður sem gekk í raðir Breiðabliks frá Aftureldingu fyrir síðasta tímabil. Hann lék þrjá af síðustu fjórum leikjum U21 landsliðsins þegar það tryggði sér sæti í lokakeppni EM.
Í byrjun desember var greint frá því hér á Fótbolti.net að félög í efstu deildunum í Danmörku, Noregi og Svíþjóð hefðu áhuga á Róberti Orra Þorkelssyni.
Róbert er gífurlega efnilegur varnarmaður sem gekk í raðir Breiðabliks frá Aftureldingu fyrir síðasta tímabil. Hann lék þrjá af síðustu fjórum leikjum U21 landsliðsins þegar það tryggði sér sæti í lokakeppni EM.
Róbert Orri var í gær spurður út í áhuga félaga á Norðurlöndunum. Hefur orðið einhver þróun á þessum málum?
„Í rauninni ekki, ég hef verið mjög þolinmóður með þetta og stekk ekki á hvað sem er. Maður verður að velja vel og finna hvað hentar mér best en markmiðið er að vera farinn út á þessu ári," sagði Róbert Orri.
Hefuru fengið boð um að æfa með liðum úti?
„Já, það hefur alveg komið upp. En eins og staðan er í dag þá taldi ég, og aðrir sem hjálpa mér með svona mál, að ég þurfi ekki á því að halda."
Er það eitthvað sem heillar sem næsta skref, að fara í efstu deildir á Norðurlöndunum?
„Efstu deildirnar á Norðurlöndunum heilla, algjörlega. Það yrði flott skref fyrir mig þegar að því kemur," sagði Róbert Orri.
Marki fagnað gegn Val
Athugasemdir
