Sparkspekingurinn Gary Neville var brjálaður í lýsingu Sky Sports yfir leik Arsenal og Liverpool þar sem hann hvatti til ofbeldis.
Neville var ósáttur við Gabriel Martinelli sem ýtti meiddum Conor Bradley.
Bradley meiddist á hné og lagðist í grasið, en Martinelli taldi hann vera að tefja leikinn og ákvað því að ýta honum harkalega til þess að koma honum af vellinum.
Þetta fór ekki vel í leikmenn Liverpool og í kjölfarið sauð upp úr, en Martinelli fékk gult spjald fyrir vikið. Stuttu síðar var Bradley borinn af velli og er óttast að hann verði lengi frá.
Neville skilur ekkert í leikmönnum Liverpool og sagði þá hafa fulla ástæðu til að beita Brasilíumanninn ofbeldi.
„Ég er brjálaður út í Martinelli. Ég veit ekki hvernig þessir leikmenn Liverpool hafi ekki farið upp að honum, slegið hann og tekið á sig rautt spjald. Þetta var skammarlegt“ sagði Neville.
Good old Gary Neville calls Martinelli an idiot following his actions to Bradley, then follows up with inciting violence on him on the football pitch #Disgraceful @SkySportsPL pic.twitter.com/e3Xy9LfuAq
— Hassan (@Hdot98) January 8, 2026
Athugasemdir
