Neymar er 33 ára og lék áður með Barcelona og PSG.
Brasilíski sóknarmaðurinn Neymar hefur skrifað undir framlengingu við Santos út 2026. Markmið hans er að fara með Brasilíu á HM 2026 en hann hefur ekki spilað landsleik síðan 2023 vegna meiðslavandræða.
Neymar er 33 ára og snéri aftur til uppeldisfélags síns í Brasilíu fyrir ári síðan.
Neymar er 33 ára og snéri aftur til uppeldisfélags síns í Brasilíu fyrir ári síðan.
Neymar spilaði í gegnum sársauka til að hjálpa Santos að forðast fall úr efstu deild Brasilíu á síðasta tímabili og skoraði fimm mörk í síðustu fimm leikjum liðsins. Hann fór síðan í aðgerð í hné til að reyna að auka líkurnar á því að Carlo Ancelotti velji sig í HM hópinn.
Ancelotti sagði í október að Neymar, sem er markahæsti leikmaður brasilíska landsliðsins frá upphafi með 79 mörk, þyrfti að vera alveg heill til að eiga möguleika á að vera valinn aftur.
Brasilía er með Skotlandi, Marokkó og Haítí í C-riðli HM sem fram fer í Bandaríkjunum, Mexíkó og Kanada og hefst 11. júní.
Athugasemdir
