Jón Daði valinn leikmaður mánaðarins - Stuðningsmenn kusu

Selfyssingurinn Jón Daði Böðvarsson er að gera góða hluti með Reading á Englandi. Janúarmánuður var sérstaklega góður fyrir hann.

Jón Daði fékk á dögunum verðlaun fyrir mark mánaðarins hjá félaginu en hann hefur líka verið verðlaunaður fyrir að vera leikmaður janúarmánaðar. Það voru stuðningsmenn Reading sem kusu um verðlaunin fyrir leikmann mánaðarins.

Eftir að hafa ekki átt fast sæti í liðinu stóð hann sig mjög vel í janúar og skoraði fimm mörk, þar á meðal þrennu í enska bikarnum.