Karlalið HK, Aftureldingar og Víkings Ólafsvíkur og kvennalið FH hafa öll hætt við fyrirhugaða æfingaferð til Spánar á morgun vegna kórónuveirunnar.
HK og Afturelding voru á leið til Campoamor en FH og Ólafsvík til Pinatar.
HK og Afturelding voru á leið til Campoamor en FH og Ólafsvík til Pinatar.
Þessi félög bætast í hóp með Víkingi R. og ÍA sem áttu einnig að fara í æfingaferðir til Spánar í þessari viku en hættu við vegna veirunnar.
Fyrr í vikunni tilkynnti Sindri einnig að félagið ætli ekki í æfingaferð til Spánar í apríl vegna kórónuveirunnar. Fleiri félög eru að íhuga að hætta við fyrirhugaðar ferðir á næstu vikum.
Mikil aukning hefur orðið á smitum á Spáni í þessari viku og þar hefur skólum verið lokað á mörgum stöðum. Keppni í spænsku úrvalsdeildinni hefur einnig verið frestað næstu vikurnar.
Athugasemdir