Jónatan Guðni Arnarsson, leikmaður Norrköping, er sterklega orðaður við Breiðablik, en Ólafur Ingi Skúlason, þjálfari Blika, tjáði sig stuttlega um áhugann á honum í viðtali við Fótbolta.net í gær.
Jónatan er 18 ára gamall kantmaður sem spilaði tíu leiki með Norrköping í sænsku úrvalsdeildinni á tímabilinu.
Hann féll með Norrköping á dögunum en hann hefur verið sterklega orðaður við heimkomu og hafa bæði Breiðablik og Valur verið í umræðunni.
Jónatan samdi við Norrköping í byrjun árs eftir að hafa spilað með Fjölni, en Ólafur Ingi segir hann vera mögulegan kost fyrir Blika á markaðnum.
„Það verður bara að koma í ljós. Hann er mjög öflugur leikmaður þannig við erum á markaðnum á eftir leikmönnum sem geta styrkt okkur og hann er mögulegur kostur í það,“ sagði Ólafur Ingi um Jónatan.
Athugasemdir
