Anton Ari Einarsson
Anton Ari Einarsson stóð í marki Breiðabliks í kvöld er liðið beið 3-1 ósigur gegn lið Strasbourg frá Frakklandi í því sem reyndist lokaleikur Blika i Evrópu þetta tímabilið. Anton var beðin um fyrstu viðbrögð eftir tap Blika og svaraði.
Lestu um leikinn: Strasbourg 3 - 1 Breiðablik
„Smá svekkelsi að hafa ekki fengið eitthvað út úr þessu því mér fannst við alveg eiga það skilið. Extra mikið svekkjandi að hafa fengið eitt klaufamark á okkur í lokin þegar við vorum að reyna að setja á þá en mér fannst frammistaðan alveg verðskulda eitthvað meira.“
Um þá tilfinningu að spila leikinn á Stade de La Meinau þar sem stemmingin var mikil sagði Anton.
„Það var bara gaman, yfirleitt gaman finnst mér að spila á svona stórum leikvöngum með helling af áhorfendum. Frammistaðan gerði það að verkum að við vorum allan tímann inn í þessu sem gerir þetta miklu skemmtilegra en eins og við höfum lent í áður að leikurinn sé búinn eftir hálftíma.“
Liðin gengu jöfn til búningsherbergja í hálfleik en eftir að heimamenn í Strasbourg komust yfir snemma leiks jafnaði Höskuldur Gunnlaugsson fyrirliði Breiðabliks metin. Hvernig var sú stund fyrir Anton Ara og félaga?
„Það var bara geggjað. Sannaði fyrir manni að við áttum alveg erindi hérna fannst mér. Við búnir að jafna og bara game on “
Eftir leik kvöldsins er tímabili Blika formlega lokið. Hvernig gerir Anton Ari timabilið upp persónulega?
„Ótrúlega langt tímabil og kannski erfitt að gera það upp. Af ýmsum ástæðum er það tvískipt en deildin þá sérstaklega seinni hlutinn ekki nógu góður. Eitthvað sem við þurfum að skoða hvað var að klikka þar og laga. En evrópukeppninn hefur gengið fínt að mér finnst og er eitthvað sem við getum byggt ofaná. “
Sagði Anton Ari en allt viðtalið má sjá hér að ofan
