Courtois var frábær í gærkvöldi.
,,Ísland spilaði mjög vel," sagði Thibaut Courtois markvörður Belga við Fótbolta.net í dag.
Courtois átti frábæran leik í marki Belga í 3-1 sigri á Íslendingum í gærkvöldi en hann var valinn maður leiksins. Courtois hreifst af íslenska liðinu.
Courtois átti frábæran leik í marki Belga í 3-1 sigri á Íslendingum í gærkvöldi en hann var valinn maður leiksins. Courtois hreifst af íslenska liðinu.
,,Þeir spiluðu ekki með sitt sterkasta lið en við vorum samt í vandræðum og það segir mikið um liðið," bætti Courtois við.
,,Ísland er með 9 stig af 9 mögulegum í riðlinum og er að berjast við Tékka um efsta sætið. Þetta er sterkur hópur og þeir munu koma mörgum liðum í vandræði."
Ögmundur Kristinsson átti flottan leik í fyrri hálfleik í marki Íslands og Courtois hrósaði honum og Ingvari Jónssyni sem spilaði síðari hálfleikinn.
,,Þeir spiluðu báðir vel. Í fyrri hálfleik varði markvörðurinn nokkrum sinnum vel en í síðari hálfleik náðum við að skora tvö mörk."
Fyrr í viðtalinu svaraði Courtois spurningu frá Gary Cotterill fréttamanni Sky um stöðu Petr Cech hjá Chelsea. Tékkneski markvörðurinn er á eftir Courtois í röðinni og hann gæti farið frá Chelsea í janúar.
,,Sem markvörður vill maður spila. Ef ég væri í þessari stöðu og væri ekki að spila þá myndi ég fara líka. Petr er góður markvörður og einn af þeim bestu. Það er frábært að æfa með honum líka. Allir vona að við getum verið báðir áfram en við skiljum að hann vilji kannski fara," sagði Courtois.
Hér að ofan má sjá viðtalið í heild sinni en Courtois fékk einungis leyfi hjá fjölmiðlafulltrúa Belga til að svara tveimur spurningum frá Fótbolta.net.
