Atalanta 2 - 3 Inter
1-0 Ademola Lookman ('25 , víti)
1-1 Edin Dzeko ('36 )
1-2 Joakim Maehle ('56 , sjálfsmark)
1-3 Jose Luis Palomino ('61 , sjálfsmark)
2-3 Jose Luis Palomino ('77 )
Það var hörkuleikur á dagskrá í hádeginu í Serie A deildinni á Ítalíu en þar mættust Atalanta og Inter.
Bæði lið eru ofarlega í deildinni en Inter hefur gengið mjög vel síðustu vikur fyrir utan tapleikinn gegn Juventus um síðustu helgi.
Atalanta hefur komið mörgum á óvart og hefur liðið verið í toppbaráttunni með Napoli lengst af. Heimamenn komust yfir á 25. mínútu en Ademola Lookman skoraði af miklu öryggi af vítapunktinum eftir að brotið var á Duvan Zapata.
Inter svaraði fljótt og skoraði Dzeko mark af stuttu færi eftir að Lautaro Martinez hafði flikkað knettinum til hans. Mjög vel klárað hjá markaskoraranum frá Bosníu.
Staðan var 1-1 í hálfleik en á fimm mínúta kafla í síðari hálfleiknum gerði Atalanta tvö sjálfsmörk. Það fyrra kom eftir baráttu Joakim Maehle og Edin Dzeko og í því síðara skallaði Jose Palomino boltann í eigið net.
Palomino bætti upp fyrir mistök sín skömmu seinna en þá skallaði hann knöttinn í rétt mark. André Onana, markvörður Inter, var í boltanum en það dugði ekki til.
Inter hélt út og vann gífurlega mikilvægan sigur í síðasta leiknum fyrir HM pásuna. Liðið er komið í fjórða sæti deildarinnar með 30 stig en Atalanta er dottið niður í það sjötta með 27 stig.
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 21 | 16 | 1 | 4 | 44 | 17 | +27 | 49 |
| 2 | Milan | 21 | 13 | 7 | 1 | 34 | 16 | +18 | 46 |
| 3 | Napoli | 21 | 13 | 4 | 4 | 31 | 17 | +14 | 43 |
| 4 | Roma | 21 | 14 | 0 | 7 | 26 | 12 | +14 | 42 |
| 5 | Juventus | 21 | 11 | 6 | 4 | 32 | 17 | +15 | 39 |
| 6 | Como | 21 | 10 | 7 | 4 | 31 | 16 | +15 | 37 |
| 7 | Atalanta | 21 | 8 | 8 | 5 | 26 | 20 | +6 | 32 |
| 8 | Bologna | 21 | 8 | 6 | 7 | 30 | 24 | +6 | 30 |
| 9 | Lazio | 21 | 7 | 7 | 7 | 21 | 19 | +2 | 28 |
| 10 | Udinese | 21 | 7 | 5 | 9 | 22 | 33 | -11 | 26 |
| 11 | Sassuolo | 21 | 6 | 5 | 10 | 23 | 28 | -5 | 23 |
| 12 | Cremonese | 21 | 5 | 8 | 8 | 20 | 28 | -8 | 23 |
| 13 | Parma | 21 | 5 | 8 | 8 | 14 | 22 | -8 | 23 |
| 14 | Torino | 21 | 6 | 5 | 10 | 21 | 34 | -13 | 23 |
| 15 | Cagliari | 21 | 5 | 7 | 9 | 22 | 30 | -8 | 22 |
| 16 | Genoa | 21 | 4 | 8 | 9 | 22 | 29 | -7 | 20 |
| 17 | Fiorentina | 21 | 3 | 8 | 10 | 23 | 32 | -9 | 17 |
| 18 | Lecce | 21 | 4 | 5 | 12 | 13 | 29 | -16 | 17 |
| 19 | Pisa | 21 | 1 | 11 | 9 | 16 | 31 | -15 | 14 |
| 20 | Verona | 21 | 2 | 8 | 11 | 17 | 34 | -17 | 14 |
