Þremur leikjum var að ljúka í Serie A deildinni á Ítalíu en mikil dramatík var í Rómarborg þar sem Roma og Torino áttust við.
Staðan var markalaus í hálfleik en hlutirnir gerðust svo sannarlega í þeim síðari. Karol Linetty kom gestunum verðskuldað í forystu með flottu skallamarki á 55.mínútu leiksins.
Roma reyndi að jafna leikinn og voru lokamínúturnar rosalegar. Jose Mourinho, þjálfari Roma, skipti Andrea Bellotti og Paulo Dybala inn á en Argentínumaðurinn var að snúa aftur eftir meiðsli.
Mourinho fékk rautt spjald seint í leiknum en hann var mjög ósáttur við störf dómarans í dag.
Leikurinn gjörbreyttist við komu Dybala en hann fiskaði vítaspyrnu í uppbótartímanum. Hann vildi ekki taka spyrnuna sjálfur en hann er venjulega vítaskytta liðsins.
Síðast þegar hann tók vítaspyrnu þá meiddist hann illa í læri svo hann lét Belotti fá knöttinn en Belotti var að spila gegn sínum fyrrum félögum.
Belotti fór á punktinn en erfitt gengi hans í vetur hélt áfram því hann skaut í stöngina og útaf. Leikurinn var þó ekki alveg búinn þarna.
Á þriðju mínútu uppbótartímans átti Dybala þrumuskot í slánna, boltinn datt út á Serbann Nemanja Matic sem þrumaði knettinum inn í nærhornið og bjargaði stigi fyrir Rómverja.
Þá vann Spezia góðan útisigur á Verona og nýliðarnir í Monza halda áfram að sækja stig en þeir unnu frábæran 3-0 sigur á Salernitana.
Verona 1 - 2 Spezia
1-0 Simone Verdi ('30 )
1-1 Mbala Nzola ('53 )
1-2 Mbala Nzola ('69 )
Monza 3 - 0 Salernitana
1-0 Carlos Augusto ('24 )
2-0 Dany Mota ('35 )
3-0 Matteo Pessina ('75 , víti)
Rautt spjald: Antonio Candreva, Salernitana ('74)
Roma 1 - 1 Torino
0-1 Karol Linetty ('55 )
1-1 Nemanja Matic ('90 )
1-1 Andrea Belotti ('90 , Misnotað víti)
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 1 | 1 | 0 | 0 | 2 | 0 | +2 | 3 |
| 2 | Cremonese | 1 | 1 | 0 | 0 | 2 | 1 | +1 | 3 |
| 3 | Roma | 1 | 1 | 0 | 0 | 1 | 0 | +1 | 3 |
| 4 | Genoa | 1 | 0 | 1 | 0 | 0 | 0 | 0 | 1 |
| 5 | Lecce | 1 | 0 | 1 | 0 | 0 | 0 | 0 | 1 |
| 6 | Atalanta | 0 | 0 | 0 | 0 | 0 | 0 | 0 | 0 |
| 7 | Cagliari | 0 | 0 | 0 | 0 | 0 | 0 | 0 | 0 |
| 8 | Como | 0 | 0 | 0 | 0 | 0 | 0 | 0 | 0 |
| 9 | Fiorentina | 0 | 0 | 0 | 0 | 0 | 0 | 0 | 0 |
| 10 | Inter | 0 | 0 | 0 | 0 | 0 | 0 | 0 | 0 |
| 11 | Juventus | 0 | 0 | 0 | 0 | 0 | 0 | 0 | 0 |
| 12 | Lazio | 0 | 0 | 0 | 0 | 0 | 0 | 0 | 0 |
| 13 | Parma | 0 | 0 | 0 | 0 | 0 | 0 | 0 | 0 |
| 14 | Pisa | 0 | 0 | 0 | 0 | 0 | 0 | 0 | 0 |
| 15 | Torino | 0 | 0 | 0 | 0 | 0 | 0 | 0 | 0 |
| 16 | Udinese | 0 | 0 | 0 | 0 | 0 | 0 | 0 | 0 |
| 17 | Verona | 0 | 0 | 0 | 0 | 0 | 0 | 0 | 0 |
| 18 | Milan | 1 | 0 | 0 | 1 | 1 | 2 | -1 | 0 |
| 19 | Bologna | 1 | 0 | 0 | 1 | 0 | 1 | -1 | 0 |
| 20 | Sassuolo | 1 | 0 | 0 | 1 | 0 | 2 | -2 | 0 |
