Ísland mætir Eistlandi í síðari vináttuleik sínum í Katar klukkan 16:45 á morgun, þriðjudag. Íslenska liðið gerði 2-2 jafntefli gegn Svíþjóð a föstudaginn en Freyr Alexandersson aðstoðarþjálfari staðfesti eftir æfingu í dag að talsverðar breytingar verði á byrjunarliðinu á morgun.
Fótbolti.net spáir sjö breytingum og að Hjörtur Hermannsson, Birkir Már Sævarsson, Guðmundur Þórarinsson og Óttar Magnús Karlsson verði einu leikmennirnir sem verði áfram í byrjunarliðinu frá því gegn Svíum.
Davíð Kristján Ólafsson og Willum Þór Willumsson, leikmenn Breiðabliks, gætu báðir spilað sinn fyrsta landsleik á morgun en þeir eru í líklegu í byrjunarliði.
Guðmundur Þórarinsson var maður leiksins gegn Svíum en hann spilaði þá á kantinum. Guðmundur mun á morgun spila á miðjunni ásamt Aron Elís Þrándarsyni.
Axel Óskar Andrésson, varnarmaður Viking, spilað sinn fyrsta landsleik þegar hann kom inn á gegn Svíum en hann byrjar á morgun.
Óttar Magnús skoraði fyrra markið gegn Svíum en hann fer af kantinum í fremstu víglínu. Jón Dagur Þosrteinsson jafnaði gegn Svíum í viðbótartíma eftir góða sendingu frá Hilmari Árna Halldórssyni en þeir byrja líklega báðir gegn Eistum.
Athugasemdir