Manchester City vann Chelsea 3-0 á sunnudag og náði að nýta sér það að Arsenal tapaði 2-1 gegn Bournemouth á laugardaginn. Arsenal er með sex stiga forystu í baráttunni en City á leik til góða og liðin mætast á Etihad leikvangnum næsta sunnudag.
Troy Deeney sérfræðingur BBC er búinn að velja úrvalslið umferðarinnar.
Markvörður: Robin Roefs (Sunderland) - Hörkuflott frammistaða þegar Sunderland sigraði Tottenham.
Varnarmaður: Nico O'Reilly (Manchester City) - Einn besti leikmaður City á tímabilinu. Hefur sýnt mikinn stöðugleika og skilað mörkum. Skoraði í sigrinum gegn Chelsea.
Varnarmaður: Konstantinos Mavropanos (West Ham) - Hamrarnir unnu Úlfana 4-0 í mikilvægasta leik tímabilsins. Mavropanos var öflugur varnarlega og skoraði tvö mörk að auki.
Varnarmaður: Mats Wieffer (Brighton) - Hægri bakvörðurinn skoraði tvö mörk gegn Burnley.
Miðjumaður: Rio Ngumoha (Liverpool) - Þvílíkir hæfileikar í þessum strák. Óhræddur við að keyra á varnarmenn. Leikgleðin skín af honum og hann skoraði frábært mark gegn Fulham.
Miðjumaður: Alex Scott (Bournemouth) - Lúxus frammistaða og mark gegn Arsenal.
Miðjumaður: Casemiro (Manchester United) - Frábær frammistaða þrátt fyrir að hafa verið í tapliði. Skoraði og bjargaði á línu. Hefur verið geggjaður síðan það var tilkynnt að hann myndi fara í sumar.
Miðjumaður: Rayan Cherki (Manchester City) - Uppáhalds leikmaðurinn minn í deildinni. Maður er alltaf spenntur þegar hann spilar. Lagði upp tvö mörk gegn Chelsea.
Miðjumaður: Noah Okafor (Leeds United) - Skoraði tvennu gegn Man Utd sem gæti reynst gulls ígildi þegar kemur að því að halda sér í deildinni.
Sóknarmaður: Taty Castellanos (West Ham) - Tvö gríðarlega mikilvæg mörk í mikilvægum leik.
Sóknarmaður: Igor Thiago (Brentford) - Kominn með 20 mörk í deildinni. Hvar væri Brentford án Brassans?
Stjórinn: Daniel Farke (Leeds United) - Innilegur fögnuðurinn eftir sigurinn gegn Man Utd segir allt sem segja þarf.
