Sænski sóknarmaðurinn Alexander Isak skoraði tvö mörk er Newcastle United vann Tottenham Hotspur 4-0 í ensku úrvalsdeildinni í gær en hann er nú búinn að jafna met Zlatan Ibrahimovic.
Isak er nú kominn með 17 mörk í deildinni á tímabilinu, jafn mörg og Zlatan gerði með Manchester United tímabilið 2016-2017.
Þeir tveir eru því markahæstu Svíar í sögu ensku úrvalsdeildarinnar en Isak mun væntanlega bæta metið á næstu vikum.
Newcastle United gæti þurft að selja mikilvæga leikmenn í sumar vegna fjárhagsreglna deildarinnar en Eddie Howe, stjóri Newcastle, ætlar að gera allt til að halda í Isak.
„Við erum að reyna að byggja lið. Við þurfum að halda í okkar bestu leikmenn. Það er ótrúlega erfitt að ná elítu leikmenn,“ sagði Howe.
Athugasemdir