Jóhannes Karl Guðjónsson.
„Ég er virkilega ánægður með heildarleik minna manna," sagði Jóhannes Karl Guðjónsson, þjálfari ÍA, eftir 3-2 dramatískan sigur á Fylki í Pepsi Max-deildinni.
„Við stjórnuðum leiknum. Við héldum boltanum vel á blautum og erfiðum velli, en við vorum að spila fótbolta komumst í ágætis opnanir. Í heildina er ég ótrúlega ánægður og þó þetta hafi verið dramatískt í lokin þá fannst mér þetta vera verðskuldaður sigur."
„Við stjórnuðum leiknum. Við héldum boltanum vel á blautum og erfiðum velli, en við vorum að spila fótbolta komumst í ágætis opnanir. Í heildina er ég ótrúlega ánægður og þó þetta hafi verið dramatískt í lokin þá fannst mér þetta vera verðskuldaður sigur."
Lestu um leikinn: ÍA 3 - 2 Fylkir
Það er búið að vera rúmlega tveggja vikna pása vegna kórónuveirufaraldursins.
„Við gátum hvílt okkur aðeins. Völlurinn var þungur og erfiður, en við sýndum að pásan hjálpaði okkur að núllstilla okkur þannig að við gætum farið að keyra aftur á liðin á fulla ferð, fara í meiri pressu og færa okkur hærra á völlinn. Það var mikið meiri ákefð í því sem við vorum að gera og það sem ég var sérstaklega ánægður með var ákveðin í varnarfærslunum og varnarvinnunni."
„Fylkismenn eru með mjög öfluga og sterka leikmenn og þar er Valdimar fremstur í flokki. Það er ekki hægt að stöðva allt sem hann gerir en við gerðum það vel að stærstu leyti."
Viðtalið er í heild sinni hér að ofan.
